ӨСКЕМЕН. ҚазАқпарат – Шығыс Қазақстан облысында вакцина алған студенттер арасында ақшалай сертификаттар ойнатылады, деп хабарлайды ҚазАқпарат тілшісі.
Д.Серікбаев атындағы Шығыс Қазақстан техникалық университетінде вакцинацияланған студенттер арасында ақшалай сертификаттар ойнатылмақ.
«Шарт бойынша студенттер тамыз айының 8 мен 24-і аралығында коронавирус инфекциясына қарсы екпе алып, арнайы поштаға #Stop COVID-19 хэштегімен вакцинация процедурасын растайтын SMS хабарламаны жіберулері қажет. 70 жеңімпаз 10 000 теңге көлемінде ақшалай сыйақы алады», - деп хабарлады білім ордасының баспасөз қызметі.
Айта кетейік, жоғарғы оқу орнында бұған дейін де осындай ұтыс ойыны ұйымдастырылып, 50 студентке 15 мың теңгеден берілген.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.