ӨСКЕМЕН.ҚазАқпарат – Шығыс Қазақстан облысында жасанды жолмен түсірілген қар көшкіні тасжолды басып қалды, деп хабарлайды ҚазАқпарат тілшісі.
«25 желтоқсанда сағат 11.00-де қар көшкінін алдын ала түсіру жұмыстарының жүргізілуіне байланысты облыстық маңызы бар «Өскемен-Тарғын-Самар» тасжолының 132 шақырымда көлік қозғалысы шектелді», - деп мәлім етті ШҚО Полиция департаменті бастығының бірінші орынбасары Жанболат Калетаев.
Қар көшкінін түсіру жұмыстарын «Казселезащита» филиалы жүргізуде. Осы ретте, департамент гидрометеорологиялық жағдайға байланысты тұрғындарға қар басқан тау бөктерінде шаңғы теуіп, серуендеуге шықпауға кеңес береді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.