ШҚО Төтенше жағдайлар департаменті баспасөз қызметінің мәліметіне сүйенсек, бүгінде Алакөлде құтқару бекеті жұмысын бастады.
Алакөлдегі бекетте екі апта сайын демалушылардың қауіпсіздігін қамтамасыз ету үшін 6 сүңгуір мен 4 өрт сөндіруші кезекшілік атқарады. Мұндағы мақсат – судағы жазатайым оқиғалардың және көл жағасында орналасқан демалыс базаларындағы өрттің алдын алу.
«Жыл сайын жазда департамент құтқарушылары күшейтілген жұмыс режиміне ауысады. Олар қайықпен патрульдеп, демалушылар мен нысан иелерінің өрт қауіпсіздігі ережелерін сақтауын қадағалайды. Сондай-ақ азаматтарға нұсқаулықтар мен жадынамалар таратылады. Жалпы облыс бойынша жаз кезінде жағалауларда 6 құтқару бекеті жұмыс істейді», - деп хабарлады ведомство өкілдері.
Айта кетейік, Алакөлдегі құтқарушылар 2020 жылы 7 адамды, оның ішінде 4 баланы құтқарған.