ӨСКЕМЕН. ҚазАқпарат – Шығыс Қазақстан облысы Тарбағатай ауданында жер үйдің ауласында өрт шығып, 45 тонна пішен жанып кетті, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, Қабанбай ауылындағы жеке тұрғын үй ауласында сақталған 45 тонна пішен өртенген.
Тілсіз жау бірден шаруашылық қора-жайға тарап кетті. Оқиға орнына өрт сөндірушілер шұғыл келіп жеткен.
«Көп ұзамай қызыл жалын толықтай ауыздықталды. Алдын ала мәлімет бойынша оттың шығу себебі – қасақана өртеуден болуы мүмкін. Қазіргі уақытта тиісті материалдар полиция қызметкерлеріне берілді», - деп хабарлады ведомство өкілдері.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.