СЕМЕЙ. ҚазАқпарат – Семей қаласының маңында көліктері сынып қалған 3 аңшы құтқарылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне қарағанда, аңшылардың «Нива» автокөлігі Жарқын елді мекенінен 30 шақырым жерде (Семейден 47 шақырым) бұзылған.
«Оқиға орнына келіп жеткен жедел-құтқару жасағының қызметкерлері «Нива-Марш» көлігімен үш аңшыны эвакуациялады», - деп хабарлады ведомство өкілдері.
Осы ретте, ТЖД тұрғындарға алыс жолға шыққан кезде міндетті түрде көліктің техникалық жағдайын тексеру қажеттігін еске салады.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.