ӨСКЕМЕН. KAZINFORM — Шығыс Қазақстан облысындағы Васильевск өткеліндегі «Одесса» паромы өз жұмысын бастады.
Васильевск өткелі Самар мен Үлкен Нарын аудандарын жалғап тұр. Енді екі ортада «Одесса» паромы қатынайды.
— Үлкен Нарын ауданынан паром сағат 7.00, 9.00, 11.00, 13.00, 15.00, 17.00, 19.00, 21.00-де шығады. Ал Самар ауданынан сағат 8.00, 10.00, 12.00, 14.00, 16.00, 20.00, 22.00-де жүреді, — деп хабарлады облыс әкімдігінен.
Айта кетейік, «Одесса» паромы 450 тоннаға дейінгі жеңіл және жүк көліктерін тасымалдайды.
Еске салсақ, осыған дейін Өскеменде былтыр қараша айынан бері жартылай жабылған Понтон көпірі ашылғаны хабарланған болатын.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.