ӨСКЕМЕН. ҚазАқпарат – Шығыс Қазақстан облысы Күршім ауданындағы дала өрті ауыздықталды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 9 тамыз күні Күршім ауданында сағат 14.00-де шыққан тілсіз жау бүгін таңертең ауыздықталды.
«Сағат 09.00 шамасында 40 гектар аумаққа жайылған өрттің беті қайтарылды. Қазіргі уақытта оқиға орнында кешелі бері жұмылдырылған құтқарушылар жұмыс істеп жатыр», - деп хабарлады ведомство өкілдері.
Естеріңізге сала кетсек, кеше Күршімде ашық далада шөп өртенгенін хабарлаған болатынбыз. 10 тамызда қызыл жалынмен күреске Өскемен қаласынан тағы 20 өрт сөндіруші тартылған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.