ӨСКЕМЕН. ҚазАқпарат – Шығыс Қазақстан облысының құтқарушылары дөңгелегі жарылып жолда қалған шағын автобус жолаушыларын эвакуациялады, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, «Ақсуат-Ақжар» тасжолындағы Бакей учаскесінің аумағында келе жатқан шағын автобустың 2 бірдей дөңгелегі жарылып қалған. Шағын автобус ішінде 11 жолаушы болды.
«Оқиға орнына құтқарушылар шұғыл жетті. Олар 8 адамды Ақжар ауылына дейін жеткізіп тастады. Ал 3 азамат көлік дөңгелектерін ауыстыру үшін сонда қалған», - делінген хабарламада.
Осы ретте, ТЖД тұрғындарға алыс сапарға шығар алдында көліктің техникалық жағдайын жіті тексеру қажеттігін ескертеді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.