ШҚО мектептерінде ауа райына байланысты сабақ тоқтатылды
09:28, 19 Қараша 2020
ӨСКЕМЕН. ҚазАқпарат – Шығыс Қазақстан облысындағы бірнеше ауылда сабақ тоқтатылды, деп хабарлайды ҚазАқпарат YK-news.kz сайтына сілтеме жасап.
Риддерде ауаның температурасы 26 градус аязды көрсетіп, желдің жылдамдығы секундына 5 метрге жеткен. Бутаково, Поперечный ауылдарында 1-9 сынып оқушылары үшін сабақ тоқтатылды.
Бородулиха ауданында 28-30 градус аяз тіркелді, 2 Пятилетка, Песчанка, Жерновка, Букутово ауылдарындағы бірінші ауысымның 1-4 сынып оқушылары үшін сабақ болмайды.