ӨСКЕМЕН. ҚазАқпарат - Шығыс Қазақстан облысында карантин шектеулерінің сақталуын бақылау мақсатында күн сайын рейдтер жүргізілуде, деп хабарлайды ҚазАқпарат тілшісі.
27 қаңтарда санитарлық нормаларды бұзу фактілері екі қалада тіркеліп отыр.
Өскеменде рейд 111 нысанда жүргізілді. Нәтижесінде азық-түліктік емес дүкендерде сатушылардың маскасыз қызмет көрсетуі бойынша 4 факті анықталды.
«Семейде мониторингтік топтар 190 нысанды тексерді. Екі ереже бұзу фактісі тіркелді, атап айтқанда Қозыбағаров, 38 мекен-жайындағы асхананың екі қызметкері маска режимін бұзған. Сонымен қатар рейд барысында 35 автобус тексерілді. Маска режимін бұзуға қатысты 28 адамға ескерту жасалды», - делінген ШҚО Ақпарат орталығы таратқан мәліметте.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.