ӨСКЕМЕН. ҚазАқпарат – Шығыс Қазақстан облысында Абай күніне орай жалпы орта білім беретін мектептердің 9-сынып оқушылары «Абай шығармашылығының қыры мен сыры» атты онлайн сабаққа қатысты, деп хабарлайды ҚазАқпарат тілшісі.
ШҚО Ақпарат орталығының мәліметінше, шара барысында қазақтың бас ақыны Абайдың ғылым мен мәдениетке қосқан үлесі ашып көрсетілді. Бұдан бөлек, онлайн сабаққа қатысушыларға хакімнің өмірі мен шығармашылығы жан-жақты таныстырылды.
«Дәрістен соң балалар ұлы ақынның шығармашылығына байланысты сұрақтардан құралған квестке қатысып, білімдерін шыңдады. Оқушылар квесттегі сауалдарға үш тілде жауап берді. Сондай-ақ олар Абайдың өмірі мен шығармашылығына арналған жаңа кітаппен танысты. Шара соңында мектеп оқушылары ұйымдастырушыларға алғыстарын білдіріп, болашақта осы онлайн дәрістен алған білімдерін кәдеге жаратындарын жеткізді», - делінген мәліметте.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.