ӨСКЕМЕН. ҚазАқпарат – Шығыс Қазақстан облысында жасанды жолмен қар көшкіні түсірілді, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, қар көшкінінің алдын алу шаралары «Өскемен-Серебрянка-Рахман қайнары» тасжолында жүргізілді.
«Құтқарушылар мен «Қазселденқорғау» ШҚ филиалының мамандары аталған тасжолдың 59-65 шақырымында жасанды жолмен қар көшкінін түсірді. Соның нәтижесінде, 2320 текше метр қар түскен», - делінген ақпаратта.
Айта кетейік, қыс мезгілі басталғалы бері өңір бойынша 58 рет профилактикалық қар көшкіні жүргізілген. Түсірілген қардың жалпы көлемі 48 220 текше метрді құрады.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.