ӨСКЕМЕН. ҚазАқпарат – Шығыс Қазақстан облысында «Өскемен-Алтай» тасжолының 65-шақырымында дизель отынын тиеген жүк көлігі аударылып қалды, деп хабарлайды ҚазАқпарат.
ШҚО Полиция департаментінің мәліметіне сүйенсек, оқиға бүгін сағат 12.20 шамасында болды.
«Дизель отынын тиеген КамАЗ-ды 47 жастағы жүргізуші тізгіндеген. Ол Алтай қаласына қарай бара жатқан. Кенет ер адам рульге ие бола алмай қалып, жүк көлігі аударылған. Абырой болғанда өрт тұтанбады. Ешкім зардап шеккен жоқ», - деп хабарлады ведомстводан.
Тәртіп сақшылары жүргізушіге қатысты әкімшілік хаттама толтырды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.