ӨСКЕМЕН. ҚазАқпарат - Шығыс Қазақстан облысында Тәжікстан мен Өзбекстан азаматтары мінген автобус жолда сынып қалды, деп хабарлайды ҚазАқпарат.
«Красноярск-Сарыағаш» бағытындағы автобус «Алматы-Өскемен» тасжолында бұзылған. Полиция қызметкерлері жолдың жиегінде тұрған жолаушылар көлігін байқаған. Ішінде 20-дан астам шетел азаматы отырған. Арасында 1 бала бар», - деп хабарлады ШҚО Полиция департаментінің баспасөз қызметінен.
Жақын маңдағы жол базасына жеткізілген жолаушыларға ыстық шай берілді. Келесі күні шетел азаматтары басқа автобусқа мініп, сапарларын жалғастырған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.