АСТАНА. ҚазАқпарат - Боранға байланысты Шығыс Қазақстан облысындағы жолдарда тіркемесі бар жүк көліктері үшін қозғалысқа шектеу енгізілді, деп хабарлайды ҚазАқпарат.
«Қазақавтожол» ЖШС мәліметіне қарағанда, бүгін таңертеңнен бастап Глубокое мен Шемонаиха жолының 16-102 шақырымында жүк көліктеріне жолға шығуға тыйым салынды.
Сонымен қатар, боран салдарынан «Өскемен-Шемонаиха-РФ шекарасы» жолының 108-123 шақырымы аралығындағы Шемонаиха мен Ресей шекарасына дейінгі жол да жабық тұр.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.