ӨСКЕМЕН. KAZINFORM – Шығыс Қазақстан облысы Жұмылдыру дайындығы басқармасының басшысы болып Нұрлан Махамбетов тағайындалды.
ШҚО әкімі баспасөз қызметінің мәліметіне сүйенсек, Нұрлан Мұхтарұлы 1965 жылы Қостанай облысы Меңдіқара ауданы Ивановка ауылында дүниеге келген.
Ленинград жоғары зениттік-зымыран командалық училищесін және Қазақстан-Америка еркін университетін «құқықтану» мамандығы бойынша бітірген.
2019 жылға дейін әскери салада әр түрлі қызмет атқарды.
2020-2023 жылдары Алтай ауданы Серебрянск қаласының әкімі болып жұмыс істеген.
2023 жылдың сәуір айынан осы уақытқа дейін Шығыс Қазақстан облысы Самар ауданының әкімі лауазымын атқарды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.