Бұл туралы Қытайдың Бас кеден басқармасы жариялаған мәліметтерде айтылған.
Есепті айда елдің сыртқы сауда айналымы 4,66 трлн юаньға (шамамен 686,3 млрд АҚШ доллары) жетті. Осылайша бұл көрсеткіш бесінші ай қатарынан 4 трлн юаньнан жоғары деңгейде сақталды.
Шілде айында экспорт көлемі жылдық есеппен 17,8%-ға, ал импорт 21,2%-ға өсті.
Жыл басынан бері, яғни қаңтар–шілде аралығында Қытайдың тауар айналымы 30,13 трлн юаньды құрап, өткен жылдың сәйкес кезеңімен салыстырғанда 17,3%-ға ұлғайды.
Сонымен қатар, өнеркәсіптік роботтар мен 3D-принтерлерді қоса алғанда, жоғары технологиялық өнім экспорты шілдеде өткен жылдың осы кезеңімен салыстырғанда 50%-дан астамға өсті. Бұл бірінші жартыжылдықтағы 39%-дық өсімнен де жоғары көрсеткіш болды.
Айта кетелік Қытайдың электр көліктері экспорты 120%-ға артты.