АСТАНА. ҚазАқпарат - 2-4 қараша аралығында Канаданың Калгари қаласында шорт-тректен өтетін әлем кубогінің бірінші кезеңінде ел намысын қорғайтын спортшыларымыз белгілі болды, деп хабарлайды ҚазАқпарат тілшісі.
ҚР Ұлттық олимпиада комитеті баспасөз қызметінің хабарлауынша, бұл шорт-трекшілердің жаңа маусымын бастайтын алғашқы ресми дода болмақ.
Мәдіғали Қарсыбеков баптайтын Қазақстан құрама командасы жарысқа төмендегі құрамда қатысады.
Ерлер: Абзал Әжіғалиев, Нұрберген Жұмағазиев, Денис Никиша, Еркебұлан Шамұханов, Мерсаид Жақсыбаев, Нұртілек Ғалиахметов, Нұртілек Қажығали.
Әйелдер: Анастасия Крестова, Ким Ионг А, Әсел Тайшыманова, Ольга Тихонова.
Әлем кубогының екінші кезеңі 9-11 қараша күндері АҚШ-тың Солт-Лейк-Сити қаласында өтеді.
Фото: Қазақстан ҰОК баспасөз қызметі
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.