НҰР-СҰЛТАН. ҚазАқпарат – Жапонияның Нагоя қаласында шорт-тректен өтіп жатқан әлем кубогы кезеңінде Қазақстан ерлер құрамасы жүлделі орындар үшін таласады, деп хабарлайды ҚазАқпарат тілшісі.
Қазақстандықтар 5 мың метрлік эстафетада жартылай финалда табысты өнер көрсетті.
Мәдіғали Қарсыбековтің шәкірттері мәреге үшінші келгенімен, канадалықтар пенальти алып қалғаннан кейін Қытай құрамасымен бірге А финалына жолдама алды.
Екінші жартылай финалда А финалына Ресей мен Корея шорттрекшілері шықты.
Осылайша ертең Қытай, Ресей, Корея және Қазақстан құрамалары жүлделі орындарды сарапқа салады.
Еске сала кетейік, бұдан бұрын ұлттық құраманың Жапонияда жақсы нәтижеге қол жеткізгісі келетінін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).