АСТАНА. KAZINFORM – Бейжің қаласында шорт-тректен өтіп жатқан әлем чемпионатында Қазақстан әйелдер құрамасы финалға жолдама алды.
Жартылай финалда қазақстандықтар 3 мың метрлік эстафетада Польша, Қытай, Жапония құрамаларымен сынға түсті.
Польша командасы алдына жан салмаса, Қытай мәре сызығын екінші, Қазақстан үшінші болып қиды. Алайда қытайлықтар пенальти алып, жарыстан шеттетілді.
Сөйтіп, қазақстандық қыздар А финалында жүлделі орындарға таласады.
Еске сала кетейік, бұдан бұрын шорт-тректен әлем чемпионатында Денис Никишаның финалға шыққанын жазған болатынбыз.
Сондай-ақ шорттрекші Денис Никиша әлем чемпионатының екі мәрте күміс жүлдегері атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).