АСТАНА. KAZINFORM — Италияның Милан қаласында шорт-тректен әлемдік тур кезеңінде Қазақстан ерлер құрамасы қола медаль жеңіп алды.
Қазақстандықтар 5 мың метрлік эстафетада үздік үштіктен көрінді.
Ел намысын Денис Никиша, Мерсаид Жақсыбаев, Глеб Ивченко, Әділ Ғалиахметов қорғады.
Италия құрамасы үздік уақыт нәтижесімен (6:42.85) жеңімпаз атанса, Канада (6:42.90) күміс жүлдеге ие болды.
Еске сала кетейік, бұдан бұрын Қазақстан құрамасы шорт-тректен қысқы Азия ойындарының чемпионы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).