АСТАНА. KAZINFORM – Қытай астанасы Бейжіңде шорт-тректен өтіп жатқан World Tour кезеңінде Қазақстан әйелдер құрамасы қола жүлдеге ие болды.
Қазақстандық қыздар 3 мың метрлік эстафеталық жарыста үздік үштікке ілікті.
Финалда бес команда өнер көрсеткенімен, алдымен Польша құрамасы жарыстан шеттетілді.
Қазақстандықтар мәре сызығын төртінші болып қиғанымен, қытайлықтар да пенальти алып қалды. Сөйтіп қазақстандық төрттікке қола бұйырды.
Эстафетада Мәлика Ермек, Алина Әжіғалиева, Яна Хан және Ольга Тихонова ел намысын қорғады.
Канада жеңімпаз атанса, Оңтүстік Корея командасы күміс жүлде алды.
Осылайша, Қазақстан құрамасы биылғы әлемдік турда (бұрынғы әлем кубогы) алғашқы медаліне қол жеткізді.
Ерлерден Денис Никиша 1 500 метрлік қашықтықта А финалында бақ сынап, алтыншы орынға табан тіреді.
Еске сала кетейік, бұдан бұрын шорт-трек шеберлері жаңа жетістіктерге жете ала ма, соны жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).