АСТАНА. KAZINFORM — Қазақстандық балуан Шұғыла Өмірбек АҚШ-та өткен U23 әлем чемпионатында украиналық қарсыласын 11:10 есебімен жеңіп, қола жүлдегер атанды. Бұл — Қазақстан әйелдер күресі тарихындағы осы чемпионаттың алғашқы медалі.
55 келіге дейінгі салмақ дәрежесінде қола жүлде үшін өткен белдесуде отандасымыз украиналық Снежана Онуфриевамен кездесті.
Тартысты белдесу 11:10 есебімен Шұғыла Өмірбектің пайдасына аяқталды.
Осылайша, Қазақстан әйелдер күресінен әлем чемпионатындағы алғашқы медаліне қол жеткізді.
Бұған дейін қазақстандық екі балуан АҚШ-та өткен U23 әлем чемпионатында алтын медаль жеңіп алғанын жазған болатынбыз.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)