ШҰҒЫЛ: Ақтөбе облысында күшті жел тұратыны ескертілді
21:49, 18 Қазан 2013
АҚТӨБЕ. 18 қазан. ҚазАқпарат - Ақтөбе облысында 19 және 20 қазан күндері күшті жел тұратыны ескертілді. ТЖ департаменті ұялы телефондарға бұл туралы смс хабарламалар жіберді.
ТЖД баспасөз қызметінің хабарлауынша, оңтүстік-шығыстан соққан жердің екпіні секундына 15-20 метрге жетеді, ал Мұғалжар ауданында желдің күші секундына 25 метрге дейін күшеймек.
ТЖ өкілдері тұрғындардың бұл күндері қысқы жағдайға бейімделмеген автомобильдермен алысқа ұзап шықпауларына және биікте жұмыс жасамауларына кеңес береді.
Сондай-ақ үйлердің төбелерінің беріктігін тексеруді, есік-терезелерді, желдеткіш тұрбаларды қымтап жабуды ұсынады.