09:05, 10 Ақпан 2013

ШҰҒЫЛ: Астанадағы 9 қабатты үйде болған өрт кезінде 30 адам қауіпсіз аймаққа көшірілді, 25 адам құтқарылды

АСТАНА. 10 ақпан. ҚазАқпарат - Астана қаласының Алматы ауданында кеше саат 20.58-де Тәшенов көшесінде орналасқан 9 қабатты тұрғын үйдің бірінші қабатында орналасқан пәтерде өрт шықты, деп хабарлайды ҚР ТЖМ баспасөз қызметінен.

Жалын 21.16-да ауыздықталып, 21.42-де толығымен сөндірілді. Өртті сөндіруге Астана қаласы ТЖД өрт сөндіру қызметі жеке құрамының 35 қызметкері мен 11 техника бірлігі, «АМО» ММ 3 қызметкері мен 1 техникасы, ҚР ТЖМ «ОӨАЖҚЖ» ММ 5 қызметкері мен 1 техникасы жұмылдырылды.

Жалын 15 м² аумаққа таралды. Қаза тапқандар мен зардап шеккендер жоқ. Өрт сөндіру кезінде 30 адам қауіпсіз аймаққа көшірілді, 25 адам құтқарылды (соның ішінде 7 бала бар).

Астана Басқа мемлекеттік органдар ҚР Төтенше жағдайлар министрлігі

без автора