АСТАНА. 11 желтоқсан. ҚазАқпарат - Бүгін қатты аяздың салдарынан бірқатар облыстардың аумағындағы республикалық жолдарда көлік қозғалысына шектеу енгізілді. Бұл туралы бүгін «Қазақавтожол» РМК-ның баспасөз қызметі хабарлайды.
Сағат 16:00-ден бастап ауа температурасының күрт төмендеуіне байланысты Павлодар облысының барлық бағыттарында қоғамдық және дизель отынымен жүретін көліктердің жолға шығуына тыйым салынды.
Ал ШҚО аумағындағы «Омбы-Майқапшағай» автожолының 587-733 шақырымы учаскесіндегі «Павлодар облысы шекарасы-Семей» аралағында да осындай шектеулер енгізілді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.