22:15, 09 Қаңтар 2014

ШҰҒЫЛ: Боранға байланысты екі облыстың аумағындағы жолдар жабылды

АСТАНА. 9 қаңтар. ҚазАқпарат - Боранға байланысты еліміздің екі облысының аумағындағы жолдар жабылды. Бұл туралы бүгін «Қазақавтожол» РМК баспасөз қызметінен хабарланды.

Ақмола облысы бойынша сағат 19:00-ден бастап барлық автокөлік түрлері үшін мына жолдарда қозғалыс шектелді:

- «Екатеринбург-Алматы» жолының 913-1114 шақырымындағы Жақсы -Жалтыр аралығы; - «Жақсы- Есіл -Бұзылық» жолының 0-82 шақырымы; - «Жезқазған - Петропавл» жолының 537-552 шақырымындағы Бұзылық-Сұрған; - «Қостанай-Әулиекөл-Сұрған» жолының 232-260 шақырымындағы Қостанай обл.-Сұрған аралығы; - «Көкшетау-Атбасар» жолының 100-184 шақырымы.

Қостанай облысы аумағындағы боран салдарынан бүгін кешқұрым «Жітіқара-Мықтыкөл-РФ шекарасы» жолының 82-164 шақырымы, «Қостанай-Әулиекөл-Сұрған» жолының 217-232 шақырымында жолдар жабылды.

Ауа райы Басқа мемлекеттік органдар Көлік Қоғам

Руслан Ғаббасов

Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.