АСТАНА. 23 қаңтар. ҚазАқпарат /Марлан Жиембай/ - Мұрат Оспанов ҚР Табиғи монополияларды реттеу агентігінің төрағасы қызметіне тағайындалды. Ведомство басшысын бүгін активке ҚР Премьер-Министрі Кәрім Мәсімов таныстырды.
М.Оспанов бұған дейін Павлодар облысы әкімінің бірінші орынбасары болып қызмет атқарды.
Естеріңізге сала кетейік, Табиғи монополияларды реттеу агенттігінің бұрынғы төрағасы Нұрлан Алдабергенов желтоқсанда Еуразиялық экономикалық комиссия министрі - алқа мүшесі болып тағайындалған болатын. Ол жұмысына ағымдағы жылғы 1 ақпанда кіріседі.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.