АСТАНА. ҚазАқпарат - Бірінші ауыр салмақта WBA чемпионы Бейбіт Шүменов алдағы қарсыласы кубалық Юниер Дортикос туралы өз ойымен бөлісті, деп хабарлайды ҚазАқпарат тілшісі.
Ол өзінің Инстаграмдағы жеке парақшасында «Уақыт жақындап келеді. Қарсыластарымның көп сөзі рингке көтерілгеннен кейін көмектеспейді», - деп жазды.
Естеріңізге сала кетейік, Шүменов - Дортикос айқасы 29 сәуірде Лас-Вегаста өтеді. Бұдан бұрын жекпе-жек ақпанға белгіленген еді. Бірақ промоутерлік Caribe Promotions компаниясы өзінің кездесуді ұйымдастыру құқығынан айырылып, айқас белгісіз уақытқа шегерілген болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.