Шварценеггер жұртты шошытып жүр

АСТАНА. ҚазАқпарат - Американың кино актері Арнольд Шварценеггер Голливудтағы мадам Тюссо мұражайында балауыз қуыршақтай болып тұрды. «Терминатордың» гримін жасатып, балауыз қуыршақтай болып тұра қалған актердің жанына адамдар таяп келгенде ол «тіріліп», олармен сөйлесе бастайды.

Акция 2 шілде күні прокатқа шығарылатын "Терминатор: Генезис" фильмінің маркетингтік науқанының және актердің балаларға арналған оқудан тыс сабақтарын ұйымдастыруға жинап жүрген All-Stars қайырымдылық бағдарламасының бөлігі болды.

Видеоны youtube порталынан мына сілтеме бойынша көруге болады.