Швеция ЕО-дағы урбанизация қарқыны бойынша көш бастап келеді

АСТАНА. 10 сәуір. ҚазАқпарат - Еуроодақ елдері ішінде урбанизация қарқыны ең жоғары ел - Швеция. Еуростат агенттігінің мәліметтеріне қарағанда, 2010 жылғы елдің ең тығыз қоныстанған қалаларында тұрғындар саны мың адамға шаққанда 17,3 адам болды, деп хабарлайды ресейлк «Жаңалықтар» агенттігі.

Бұл көрсеткіш қала тұрғындарының мың адамға шаққанда 5,21 адамға өсуін көрсететін Еуроодақ бойынша орташа көрсеткіштен үш есе артық. Швецияның ең жылдам өсіп келе жатқан қалалары - Мальмё (елдің оңтүстігі), Умео (солтүстік) және Стокгольм. Олардың халқы жылына 1 пайыздан артық артып отыр. Мальмё өсім қарқыны бойынша Утрех (Нидерланды), Никосия (Кипр), Брага (Португалия), Оулу (Финляндия) және басқа да бірқатар Испания қалаларын басып озды.

Швеция 2005 жылдан бері ЕО-да ірі қалалар халқының саны өсуі жағынан көш бастап келеді. Сонымен қатар урбанизация үдерісі Ирландияда, Испанияда және Грекияда іркіліп қалды.  Швецияда 12 қалада 100 мыңнан астам адам тұрады. Сондай-ақ бұл ел ірі қалаларға да, ауылдық елді мекендерге де жатпайтын «аралық аймақтар» саны бойынша да алда келеді.