Швейцария поштасы 50 жыл бұрын жіберілген ашық хатты жеткізді
13:57, 09 Тамыз 2015
АСТАНА. ҚазАқпарат - Швейцария поштасы «рекорд» орнатты. Иллгау қаласының тұрғыны оның марқұм әкесіне 50 жыл бұрын жіберілген ашық хатты алды.
Хат 1965 жылы 15 желтоқсанда жіберілген. Ибаха қаласының шаруасы Иллгаудағы досына жазған хатында оның тау маңындағы шабындығына төрт сиыры мен бұқасын жайғысы келетінін жеткізген, сондай-ақ Рождествомен құттықтап, Жаңа жылды жақсы қарсы алуды тілеген.
Хат сұрыптау кезінде шкафтың артындағы қуыста қалып, енді ғана табылған болса керек.