ӨСКЕМЕН. ҚазАқпарат – Шығыс Қазақстан және Абай облыстарындағы бірқатар қала, ауданда екінші ауысымдағы оқушылар онлайн форматта білім алады, деп хабарлайды ҚазАқпарат тілшісі.
Абай облысы әкімдігінің мәліметіне сүйенсек, ауа райының қолайсыздығына байланысты Семей қаласында екінші ауысымдағы 1-4 сынып оқушылары сабақты қашықтан оқиды. Сондай-ақ Бородулиха, Бесқарағай аудандарындағы 1-11 сынып оқушылары мектепке бармайды. Қалған аудандарда оқушылар үшін сабақ дәстүрлі форматта өтеді.
ШҚО Төтенше жағдайлар департаменті баспасөз қызметінің дерегінше, Өскемен қаласында екінші ауысымдағы 1-11 сынып оқушылары онлайн форматта білім алады.
Еске салсақ, бүгін таңертең екі облыстың бірқатар қала, ауданында оқушылар мектепке бармаған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.