АСТАНА. Шілденің 10-ы. ҚазАқпарат - Шығыс Қазақстан облысында 200 гектар дала өртенді, деп хабарлады ҚР Төтенше жағдайлар министрлігінің баспасөз қызметінен.
Дала өрті Бесқарағай ауданының Беген және Сосновка ауылдық округтерінің шекарасында, Грачатник учаскесінде орын алған.
ТЖМ мәліметтері бойынша, зардап шеккендер мен қаза тапқандар жоқ.
Тілсіз жау келесі күні таңертең ҚР ТЖМ Шығыс Қазақстан облыстық өрт сөндіру қызметінің және Морозов пен Беген ауылдық округтерінен жасақталған ерікті өрт сөндірушілер күшімен ауыздықталды.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.