Шығыс Қазақстанда 1737 жүкті әйел ревакцинациядан өтті
15:00, 03 Наурыз 2022
НҰР-СҰЛТАН. ҚазАқпарат – Шығыс Қазақстан облысында 1737 жүкті әйел ревакцинациядан өтті, деп хабарлайды ҚазАқпарат тілшісі.
ШҚО Денсаулық сақтау басқармасы баспасөз қызметінің мәліметіне сүйенсек, өңірде COVID-19 инфекциясына қарсы ревакцинациялау науқаны жалғасуда.
«Бүгінгі таңда аймақ бойынша 438 609 адам ревакцинациядан өтті. Оның ішінде 12-18 жас аралығындағы 528 бала бар. Сондай-ақ 1737 жүкті және 945 бала емізетін әйел үшінші рет вакцина алған», - делінген ақпаратта.
Бұдан бөлек, облыста 60 жастан асқан қарттар мен медицина қызметкерлері Pfizer екпесімен ревакцинациялануда. Қазір осы санаттағы 18 мыңға жуық адам ревакцинациядан өткен.