Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігінің ШҚО бойынша департаменті басшысы Жанна Қабдолдақызы хабарлады.
Департамент басшысы аймақта мемлекеттік орган ғимараттарының нормативтерге сәйкестігін анықтау үшін арнайы тексеріс жүргізілетінін айтты.
«Сондай-ақ Мемлекет басшысының «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауында атап өткен формализм мен бюрократияны төмендету, түрлі отырыстардың ұзақтығын қысқарту бойынша шаралар қабылданады», - деді Жанна Қабдолдақызы.
Ол cондай-ақ 2020 жылдың соңына дейін мемлекеттің қызметтің 90 пайызы автоматтандырылатынын атап өтті. Спикердің пікірінше, осы және басқа да шаралар тұрмыстық жемқорлықты төмендетуге мүмкіндік береді. Бұл ауқымды іске бүкіл қоғам атсалысуы тиіс.