ШҚО полиция департаменті баспасөз қызметінің мәліметіне сүйенсек, тәртіп сақшылары биыл баласына алимент төлемей жүрген 25 адамды анықтады.
Мәселен, Өскемен қалалық ПБ көші-қон қызметі бөліміне жеке сот орындаушысынан кәмелетке толмаған балаларын асырауға алимент төлемеген және оларға 1 000 000 теңгеден астам қарыз болған ер адамға іздеу жариялау туралы қаулы келіп түскен.
«Іздеу шаралары барысында көші-қон қызметінің мамандары бір тәулік ішінде борышкердің қайда екенін анықтады. Енді сот орындаушылары қарызды өндіріп алады», - делінген ақпаратта.
Осы ретте, көші-қон қызметі алимент төлеуден жалтарғандар үшін заңда әкімшілік (ҚР ӘҚБтК-нің 669-бабы) және қылмыстық жауаптылық (ҚР ҚК-нің 139-бабы) көзделгенін ескертеді.