ӨСКЕМЕН. ҚазАқпарат – Шығыс Қазақстан облысында жыл басынан бері 25 миллионнан астам ағаш отырғызылды, деп хабарлайды ҚазАқпарат тілшісі.
ШҚО Орман шаруашылығы және жануарлар дүниесі аумақтық инспекциясының мәліметіне сүйенсек, биыл өңірдің орман шаруашылығы және табиғат қорғау мекемелері 4 500 гектардан астам аумаққа 25 миллионнан астам ағаш отырғызды.
«Семей орманы» мемлекеттік орман табиғи резерваты 22 миллионға жуық ағаш екті. Катонқарағай ұлттық паркінің ұжымы 38 гектар жерге 184 мың түп жасыл желек отырғызды. Сондай-ақ осы шарада коммуналдық орман шаруашылығы мекемелері де белсенді жұмыс жүргізуде», - деді инспекция басшысы Ділдәбек Оразбаев.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.