ӨСКЕМЕН. ҚазАқпарат – Шығыс Қазақстан облысында «Халық үні» жобасы таныстырылады, деп хабарлайды ҚазАқпарат тілшісі.
Бұл туралы жоба бастамашысы, адвокат Айман Умарова мәлімдеді.
«Халық үніне құлақ асатын мемлекет» тұжырымдамасын іске асыру мақсатында қолға алынған «Халық үні» жобасының таныстырылымы Шығыс Қазақстан облысы Абай ауданында өткізіледі. Жоба аясында өңір тұрғындары әлеуметтік-құқықтық мәселелерге қатысты жауап ала алады. Біздің мақсатымыз - ашық пікірталас алаңдарында қоғамдық диалог жүргізу», - деді ол.
Айта кетейік, шара Абай ауданы, Қарауыл ауылындағы орталық кітапханада өткізілмек.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.