ШҚО Төтенше жағдайлар департаменті баспасөз қызметінің мәліметіне сүйенсек, өңір аумағында қардың көп жаууына байланысты көшкін жүру қаупі сақталады.
«Қазселденқорғау» ШҚ филиалының мамандары құтқарушыларымен бірлесіп, «Алтай-Өскемен» тасжолының учаскесінде жасанды жолмен қар көшкінін түсірді.
«3 рет жарылыс жасалып, соның нәтижесінде 3860 текше метр қар түсірілген. Мұндай шаралар осы аймақта жүргізушілердің қауіпсіздігін қамтамасыз ету үшін қажет», - дейді «Қазселденқорғау» ШҚ филиалының басшысы Омар Дүзгімбаев.
Айта кетейік, қыс басынан бері облыста профилактикалық мақсатта барлығы 33 300 текше метр қар түсірілген.
Фото: ШҚО ТЖД баспасөз қызметі