Жергілікті атқарушы органдардан, төтенше жағдайлар министрлігінің бөлімдерінен, полиция мен жергілікті халықтың қатарынан 1921 адам құтқару шараларына тартылып отыр. Қызылсудан әсіресе Тарбағатай, Абай, Күршім, Зайсан аудандары қатты зардап шегуде.
Қостанайдан келген Солтүстік аймақтық аэроұтқыр құтқарушылар жасағы, жергілікті атқарушы органдар мен полиция қызметкерлері бірлесіп, Жантікей ауылындағы Сәтбаев атындағы мектепте бас сауғалап отырған халықты Ақсуат, Екпін ауылдарына көшірді. Әзірге 40-тан астам адам көшірілді, әлі 787 адамды көшіру керек. Қатты жел құтқарушылардың жұмыстарын қиындатып отыр.
Павлодар және Екібастұздан көмекке жеткен құтқарушылар адамдарды Қабанбай және Тәуке ауылдарына көшіруде.