Шығыс Қазақстанда вакцина салдырғандар саны 900 мыңға жуықтады
15:34, 10 Қараша 2021
ӨСКЕМЕН. ҚазАқпарат – Шығыс Қазақстан облысында коронавирусқа қарсы вакцина алғандар саны 900 мыңға жуық адамды құрады, деп хабарлайды ҚазАқпарат тілшісі.
ШҚО денсаулық сақтау басқармасы баспасөз қызметінің мәліметіне сүйенсек, өңір бойынша COVID-19 инфекциясына қарсы екпе салдырғандар саны күн санап артып келеді.
Бүгінгі таңда вакцинаның I компонентін - 890 358 адам, II компонентін - 827 664 адам салдырды.
«Қазірде облыстың медициналық мекемелерінде екпенің бірінші компонентінің 15 117 дозасы, екінші компонентінің 32 738 дозасы қалды. Тұрғындарға вакцинаның 3 түрі салынып жатыр. Атап айтқанда, Спутник V, QazVac, және Sinopharm. Жалпы аймақ бойынша вакцинациялау жоспары 901 080 адамды құрайды», - делінген ақпаратта.
Айта кетейік, соңғы тәулікте Шығыс Қазақстанда 77 адам коронавирус жұқтырған.