Шығыс Қазақстанда жеңіл машина мен автобустың соқтығысуы салдарынан жеті адам зардап шекті
08:52, 02 Ақпан 2009
АСТАНА. Ақпанның 2-сі. ҚазАқпарат - Шығыс Қазақстанның Риддер қаласында «Фольксваген» жеңіл машинасы мен «МАН» автобусының соқтығысуы салдарынан жеті адам зардап шекті,
деп хабарлайды ҚазАқпарат Төтенше жағдайлар министрлігінің баспасөз қызметіне сілтеме жасап. Жол-көлік оқиғасы кеше, ақпанның 1-і күні кешке орын алған. №12 бағдардағы автобустың салонында 49 жолаушы болған. Оқиға салдарынан зардап шеккен жеті адам медициналық көмек көрсетілгеннен кейін үйлеріне жіберілген.