16:34, 11 Қаңтар 2023

Шымкент маңында бұзылған автобустағы 34 өзбекстандық қонақ үйге орналастырылды

ШЫМКЕНТ. ҚазАқпарат – «Ташкент-Алматы» бағытындағы жолаушылар автобусы бұзылып, ондағы 34 Өзбекстан азаматына көмек көрсетілді, деп хабарлайды ҚазАқпарат тілшісі.

Ташкенттен Алматыға жолға шыққан автобус Шымкент қаласының маңындағы Бозарық айналма тасжолында бұзылып қалған. Оқиға орнына жедел жеткен Шымкент қаласы ТЖД қызметкерлері 34 жолаушыны қонақ үйге жеткізді.

«Шымкент қаласы ТЖД «112» құтқару қызметіне сағат 2:52 шамасында автобус жолаушыларына көмек қажеттігі туралы хабарлама келіп түсті. Жеке құрамнан 7 адам және 2 техника оқиға орнына барып, жолда қалған азаматтарға көмек көрсетті. Жолаушылар суық күнде далада қалдырмай көмек көрсеткен мамандарға алғыстарын айтты», - делінген Шымкент қаласы ТЖД қоғаммен байланыс тобы таратқан хабарламада.

Фото: Шымкент қалалық ТЖД

Жол Көлік Шымкент

Қайрат Зайнишев

Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.