АСТАНА. ҚазАқпарат - Шымкент тұрғыны екі адамға оқ атты. Бұл туралы бүгін брифинг барысында ҚР Ішкі істер министрлігінің ресми өкілі Алмас Садубаев айтты, деп хабарлайды ҚазАқпарат тілшісі.
«Шымкент қалалық ІІД криминалдық полиция қызметкерлері 5 қазан күні жек көрушілік қарым-қатынас салдарынан көшеде екі жас жігітке оқ атқан жергілікті тұрғынды ұстады. Оқ жарақатын алған олардың бірі қаза болды»,- деді Алмас Садубаев.
Ресми өкілдің дерегінше, қазіргі уақытта сотқа дейінгі тергеу амалдары жүргізіліп жатыр.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.