Қорғаныс министрлігінің мәліметінше, аймақтағы полиция қызметкерлері жоспарлы рейдтік шаралар өткізген. Атап айтқанда, қорғаныс істері жөніндегі басқарманың шақыртуына келмегендер мен әскерден жалтарғандарды іздестіру жүзеге асырылды. Нәтижесінде шақыру учаскесіне 6 азамат жеткізілді.
«Өткізілген рейдтік шаралар бойынша ата-аналар мен әскерге шақырылушылар тарапынан шағымдар түскен жоқ. Сонымен бірге көрсетілген мекенжайда тұрмайтын әскерге шақырылушыларға шақыру қағаздарын беру мәселесі әлі де өзекті. Оларды ата-аналары жасырады. Ал медициналық комиссия мен әскери қызметтен жалтару әкімшілік және қылмыстық жауапкершілікке әкеледі», - делінген ведомствоның хабарламасында.
Айта кетейік, осыған дейін әлеуметтік желілерде шымкенттік құзырлы органдар өкілдерінің әскерге шақырылушыларды ұстап, әкетіп бара жатқаны туралы бейнежазба тараған болатын.