ШЫМКЕНТ. ҚазАқпарат - Шымкентте 33 жасында үшем босанған қала тұрғыны Юсупова Гульмира бірден сегіз баланың анасы атанды, деп хабарлайды ҚазАқпарат тілшісі.
Шымкент қалалық перинаталдық орталықтың дәрігерлері үш сәби мен анасын бүгін перзентханадан сән-салтанатпен шығарып салды. Айсұлтан, Әлия және София есімді сәбилердің қазіргі жағдайы қалыпты. Үшем 24-сәуір күні 35 апталық кезінде жасанды тілік арқылы туған. Сәбилердің салмағы 2000-2470 грамм, бойы 40-42 см құрайды. Бүгінде нәрестелер салмақ қосып, денсаулықтары жақсарған.
Айта кетейік, жыл басынан бері қалада 10649 сәби дүние есігін ашқан. Оның 5165 қыз баласы болса, 5484 ұл бала.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.