Шымкентте фестиваль ауқымында АҚШ деректі фильмдері тегін көрсетілуде
11:03, 26 Қыркүйек 2011
МКЕНТ. 26 қыркүйек. ҚазАқпарат /Татьяна Пылаева/ - Шымкентте американдық деректі фильмдер фестивалі өтуде. «KinoPark 5» кинотеатрында үш күн бойы әртүрлі жүлделер мен марапаттарға әлденеше мәрте ие болған деректі фильмдер тегін көрсетілуде.
Олардың арасында «Біз әлі осында тұрамыз», «Өз көзіңе сен», «Камералар балалар қолында», «Мұқабадағы қыз», және «Нигер 66» сияқты картиналар бар.
Сеанстар басталар алдында деректі фильмдердің екі сарапшысы киносыншы Алекстандр Ротару мен Сент-Луис коллледжінің құрметті профессоры Мерамек көрермендермен кездесті.
Бұл фильмдерде американдық қоғам мен мәдениет тәуелсіз деректі фильм түсірушілер көзімен баяндалды. Оларда азаматтық қоғам, соғыс ардагерлеріне медициналық қызмет көрсету жайында, қоршаған ортаны қорғау және сөз бостандығы туралы көптеген пробемалар зерттелген.
Фестиваль Қазақстандағы АҚШ елшілігінің қолдауымен ұйымдастырылды.