ШЫМКЕНТ. ҚазАқпарат - Шымкентте қоғамдық орындарда қайыр сұраумен айналысқан азаматтар жауапқа тартылды, деп хабарлайды ҚазАқпарат тілшісі.
Шымкент қаласы полиция департаментінің қызметкерлері 28 ақпаны мен 6 наурыз аралығында қоғамдық орындарда қайыр сұраумен айналысқан 43 адамды анықтап, оларға қатысты ӘҚБтК-нің 449-бабы (Қоғамдық орындарда тиісу) бойынша әкімшілік хаттама толтырды.
Барлық құқық бұзушыларға бес айлық есептік көрсеткіш мөлшерінде айыппұл салынды.
Бүгінде қалада қаңғыбастар мен қайыршыларды анықтау, оларды ұстау және арнайы қабылдау-тарату орнына орналастыру, олар бойынша әкімшілік шаралар қабылдау жұмыстары жүргізілуде.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.