Қаза тапқан 27 шекарашының есімдері жазылған ескерткіш тасқа гүл шоқтарын қоюға ондаған адам келді. Олардың арасында қаза тапқандардың туыстары, қызметтестері және ауыр қазаға немқұрайлы қарамайтын оңтүстік шаһардың қарапайым тұрғындары бар.
Бір минут үнсіздіктен кейін жиналғандар ұшақ құлаған жерге барды. Ол жерде қазір ескерткіш орнатылған. Қаза тапқандардың қызметтестері атап өткендей, алдағы уақытта мұнда Еске алу саябағын салу жоспарлануда.